Visita ao Xfce 4.8
Esta visita presentaralle todas as novas funcionalidades visuais no Xfce 4.8. Esta é só a parte visual do que se fixo. Para obter unha lista completa de cambios, consulte os rexistros de cambios.
File Manager (thunar)
Navegación por cartafoles remotos
O Thunar agora ten compatibilidade opcional para GVFS que lle permitirá navegar por cartafoles remotos usando Thunar: servidores FTP, Windows Accións, WebDav e SSH …
O Thunar navegando nun cartafol remoto
Novo diálogo de progreso de operacións de ficheiros
Cando varias operacións de ficheiros (copiar ou mover) están sendo manexadas en paralelo, o Thunar agora fornece un diálogo de progreso único que amosa toda a información relevante.
Diálogo de progreso
Botón de expulsar para dispositivos extraíbeis
Agora é posíbel expulsar dispositivos extraíbeis premendo no botón de expulsión a carón de cada etiqueta de dispositivo extraíbel no panel lateral.
Botón de expulsar
Panel (xfce4-panel)
O panel do Xfce foi totalmente reescrito no 4.8, aquí están os cambios máis visíbeis.
Mellorouse o posicionamento e manexo do tamaño
O panel ten unha mellor compatibilidade para o posicionamento dos paneis na pantalla. Pode ser arrastrado e axustado aos límites da pantalla, só se memorizan as posicións flotantes ao mover un panel e a lonxitude do panel pode e a súa dimensión pode ser axustada como unha porcentaxe relativa do tamaño da pantalla.
Fondos transparentes
O panel agora pode debuxar fondos de panel transparente con elementos non transparentes. Os elementos do panel permanecerán lexíbeis e gozarán dun bo aspecto de panel.
Fondo de panel transparente
Novo editor de elementos
O panel agora presenta un editor de elementos que permite modificar, mover, engadir e eliminar elementos de xeito rápido. Isto é particularmente útil para elementos que son difíciles de facer clic dereito e dálle un xeito doado de mudar o deseño do panel desde un só lugar.
Editor de elementos do panel
Arrastre e solte para crear iniciadores
Agora pode arrastrar e soltar elementos desde o menú de aplicacións do panel, do buscador de aplicacións ou do Thunar ao panel para crear iniciadores. Esta característica debería agradar á gran cantidade de persoas que a solicitaron desde fai tempo. O iniciador tamén ten un buscador de aplicacións integrado para engadir novos elementos.
Engadido de botóns de xanela
Os engadidos de caixa de iconas e listas de tarefas son combinados nun novo engadido, chamado botóns de xanela. El incorpora diferentes métodos de clasificación, manexo mellorado en paneis verticais e pode debuxar un marco similar ao do Xfwm4 Alt+tab cando se move un botón.
Novo reloxo impreciso
Unha versión do Xfce sen un novo modo de reloxo non sería unha verdadeira versión do Xfce. Déixanos presentar o modo de reloxo ‘impreciso’!
Novo modo de reloxo impreciso
Novo menú de cartafol de engadidos
O engadido do menú cartafol fornece un menú que reproduce a arborescencia dun cartafol en particular. Isto permítelle abrir un terminal ou un xestor de ficheiros nun subcartafol dunha forma moi rápida e eficiente.
Engadido menú cartafol
Modificación do menú de aplicacións
Agora pode modificar o menú de aplicacións empregando calquera editor de menús compatíbel con «Freedesktop», sendo «Alacarte» o que probamos.
Settings (xfce4-settings)
Mellorouse a configuración da instalación de múltiples pantallas
O Xfce agora pode manipular e configurar as configuracións de múltiples pantallas para calquera controlador compatíbel con randr 1.2. Desafortunadamente, isto significa que non funcionará cos controladores propietarios de Nvidia.
Pode activar e desactivar as pantallas conectadas, configurar a resolución, a frecuencia de actualización, a rotación e a reflexión, clonar as pantallas ou estender os escritorios.
Novo diálogo para amosar opcións
Confirmación temporizada
Calquera cambio realizado co diálogo de configuración terá que ser confirmado dentro de dez segundos ou será revertido. Isto impide que os controladores de vídeo rotos deixen o seu computador inutilizábel.
Confirmación temporizada para os cambios na configuración de pantalla
Diálogo de instalación rápida
O diálogo de configuración rápida permítelle configurar unha instalación de dobre pantalla nun segundo. Conecte a segunda pantalla, prema a tecla de pantalla ou Windows + p e seleccione o deseño desexado. Feito!
Instalación multipantalla rápida
Opcións da modificación no Editor de Opcións do Xfce
O Editor de configuracións do Xfce agora merece o seu nome, xa non é un sinxelo visor de configuración Xfconf. Agora pode modificar, eliminar, engadir e restabelecer as configuracións a través da súa interface. Tamén monitoriza os cambios para actualizar a súa vista.
Modificando as propiedade do Xfconf coas Opcións do Editor
Mellorouse a selección da disposición do teclado
O diálogo de selección da disposición recibiu moito agarimo: xa non amosa códigos críticos de idiomas/variantes senón que emprega nomes de idiomas/variantes localizados. Tamén se facilitou a modificación da disposición co recheo dos diálogos cos valores actuais.
Listaxe de disposicións e variantes